Дорогі отці, брати та сестри!
Вже цієї неділі, 14 листопада, відбудеться «Всеукраїнський День молитви за сиріт». Коли ми в один день і в один голос проситимемо Бога про люблячу сім’ю для кожної дитини-сироти.
З благословіння архієпископа Волинського і Луцького Нафанаїла, а також з ініціативи Місії Синодального відділу УПЦ у справах сім’ї, духовенству єпархії благословляється під час недільного богослужіння 14 листопада вставити прохання та молитву за дітей-сиріт та за вирішення їхніх проблем.
14 ЛИСТОПАДА 2021 РОКУ «ВСЕУКРАЇНСЬКИЙ ДЕНЬ МОЛИТВИ ЗА СИРІТ»
Прошения на мирной ектении
О спасении рабов Божиих, всех сирот, о даровании им покоя душевнаго, целомудрия и благочестия, Господу помолимся.
О всех, служащих сиротам, учащих их, благотворящих им, и о всякой пользе их пекущихся, Господу помолимся.
О благочестивых родителях, приявших сирот в семейства своя, и о еже Господу Богу благословити таковых и в подвизе укрепити, Господу помолимся.
Прошения на сугубой ектении
Еще молимся о спасении, посещении, прощении и оставлении грехов рабов Божиих, всех сирот, лишенных родителей своих, яко да Господь дарует им мир душевный и житие нескверное, рцем вси: Господи, услыши и помилуй.
Еще молимся о всех верных, пекущихся о нуждах сирот, приявших их в семейства своя и наставляющих на всякое дело благое, и о свышнем покрове их, рцем вси: Господи, услыши и помилуй.
Еще молимся о умягчении сердец всех людей земли нашея, яко да всяк по силе своей в любви и терпении сирот милует, чад в благочестии воспитывает, скорбящих утешает, гладствующих насыщает и безкровных вводит в дом, рцем вси: Господи, услыши и помилуй.
Молитва
Господи Вседержителю, Бога Отца именовати нас научивый, благодать усыновления даровавый нам, Отче сирот! Ты бо рекл еси: аще же и забудет жена отроча свое, еже не помиловати изчадия чрева своего, но Аз не забуду тебе. Сего ради Тебе просим: спаси и помилуй чад Твоих, родителей лишенных, просвети их светом благодати Твоея, да познают Тебе, Небеснаго Отца, со Единородным Твоим Сыном и Всесвятым Твоим Духом. Утеши плачущия, вразуми неразумныя, исцели болящия, укрепи немощствующия. Некрещенных святаго Крещения сподоби; просвещенных Крещением утверди в благочестии и чистоте. Аще что злое сотвориша по неразумию, наущению бесовскому или людскому, прости и к покаянию направи. Посли им Ангелы хранители Твоя, даруй наставники добрыя, яко возмощи им достойно проити все поприще жития земнаго. Научи их Творити волю Твою! Помяни, Господи, почившия родители их и сродники, даруй тем прощение грехов и со святыми упокоение. Даруй покаяние оставившим чад своих, и сподоби их плоды покаяния принести. Посли руку Твою и укрепи сердца родителей, принимающих сирот в семейства своя, благослови их благословениями небесными и земными. Даруй нам любовь ко всем чадам Твоим, наипаче же к сим, родителей лишенным, даждь нам сердце любящее и милующее, разум просвещенный и желание теплое служити ближним своим. Яко да вси мы, чтущии Тя, Единаго Отца нашего и Бога, сподобимся в безконечныя веки быти причастниками вечныя и неизреченныя радости, яже уготована всем чадам Твоим. Аминь.
